सिक्वेंस….!
सरकार शेतकरी विरोधी
धोरणे राबवणार
शेतकर्‍यास आत्महत्येला
भाग पाडणार
मग नाना आणि मका
धावत येणार
मयताच्या बायकोला
पंधरा हजार देणार
पेपरामधी मग
बातमी झळकणार
टीव्ही मध्ये स्पेशल
रिपोर्ट दाखवणार
.
.
.
पंधरा हजारात काय होते?
बँकांचे कर्ज फ़िटते?
सावकाराचा तकादा मिटते?
निदान व्याज तरी फ़िटते?
किराण्याची उधारी फ़िटते?
शेतीची लावलागवड होते?
पीक काढणीचा खर्च भागते?
.
.
तेही जाऊ द्या
.
.
तेरवी तरी होते?
मुलीचे लग्न होते?
.
.
परवाचा बळीराजा
कालचा अन्नदाता
आज भिकार्‍यांच्या रांगेत?
.
.
.
कुणीच नाही का रे विेचारी
आणि संवेदनाक्षम?
.
.
जाऊ द्या, सोडा विषय़
.
.
करा बघू नानाला
सॅल्यूट पटकन…..!!
– गंगाधर मुटे
~~~~~~~~~~~~~~~~~~
रानमोगरा 