हक्कदार लाल किल्ल्याचे…!
या देशाचे पालक आम्ही
सच्चे कास्तकार रे
लालकिल्ल्याच्या सिंहासनाचे
आम्हीबी हकदार रे ………..||धृ||
लढले बापू-लाल-बाल ते
सुराज्याच्या जोषाने
क्रांतीकारी शहीद झाले
रक्त सांडुनी त्वेषाने
स्वातंत्र्याचा लढा रंगला
चेतुनी अंगार रे
लालकिल्ल्याच्या सिंहासनाचे
आम्हीबी हकदार रे ………..||१||
विदेशींनी हक्क सोडता,
केला ताबा देशींनी
केवळ खुर्ची बदलून केले,
वेषांतर दरवेशींनी
परवशतेच्या बेड्या आम्हा,
कितीदा छळणार रे
लालकिल्ल्याच्या सिंहासनाचे,
आम्हीबी हकदार रे ………..||२||
शेतकर्यांच्या,कामकर्यांच्या,
पोशिंद्याच्या पोरा ये
फ़ुंकून दे तू बिगुल आता,
नव्या युगाचा होरा घे
भारतभूचे छावे आम्ही,
अभयाने झुंजणार रे
लालकिल्ल्याच्या सिंहासनाचे,
आम्हीबी हकदार रे ………..||३||
गंगाधर मुटे
…………………………………
रानमोगरा 
Good one!
mastach !!!
शेखरजी,भारतजी
प्रतिसादाबद्दल आभारी आहे.
“भारतभुचे छावे आम्ही,अभयाने झुंजणार रे,लालकिल्ल्याच्या सिंहासनाचे,आम्हीबी हकदार रे .…” hi kavita dekhil itar kavitepramane chhan jhaali aahe. tumachya shabdaat prachand OJ/TAKAD aahe.
kiti varshe he chhave ladanaar ho ? aani te navin gharache chor loni khanaar?
ya sinhasanavar deshabhakt ,lokagrani,janatecha khara naayak-loknayak kadhi yenar ho?
NY-USA